تصدرت الفنانة جوري بكر محرك البحث الشهير "جوجل" واحتلت المراكز الأولى للمحتويات الرائجة في مصر وذلك بعد لقاء إذاعي لها كشفت فيه عن العديد من الأسرار الشخصية والمهنية الخاصة بها.

ويرصد الدستور في السطور التالية أبرز تصريحات الفنانة جوري بكر

• والدتي كانت بتتصل بيا بعد كل حلقة من مسلسل برغم القانون تقولي أنا بقيت بخاف منك في الحقيقة.
• بحس إن الأدوار بتاعتي بتجيلي على طبق من دهب، كل شخصية بعملها بكون بنتقم فيها من شخصية مؤذية مرت عليا في الحقيقة.
• ماينفعش أقدم أدوار اظهر فيها جوري الحقيقية لأني طيبة وفرفوشة.
• بحب أكون مميزة في كل دور حتى لو صغير وبعيش جوا الشخصية اللي بقدمها بكل الزوايا.
• الشخصية بتفضل عاشية معايا في البيت طول فترة التصوير.
• أنا معرفش مين جيلي أنا متلغبطة ومضايقة جدا أنا مش عارفة مين جيلي ولا مين الناس اللي المفروض اقول عليهم أنهم جيلي.
• إحنا جيلنا للاسف الشديد مش مترابط وبنغير من بعض وكارهين بعض وبنحقد على بعض.
• كنت زمان تلاقي الفنانة يسرا والفنانة إلهام شاهين دول جيل طالعين مع بعض أنا بقى فين جيلي أنا معرفش أنا طالعة مع مين.
• بقالي سنة كاملة قافلة الكومنتات في حساباتي بس يستقبل كومنتات من أصحابي اللي عامله ليهم فولو.
• تعليقات بعض رواد السوشيال ميديا فيها قلة أدب ومش محترمة، بلاقي الناس بتدخل في حاجات ممكن اتقابلها في ردود بتوصل لسب وقذف او شتائم للأهل أو ألفاظ جارحة
• مش هقدر أسيطر على الكم الرهيب من التعليقات السخيفة في الأول أنا كنت بضايق بس قولت لو كل مرة هضايق أنا هشحن نفسي طاقة سلبية.

آخر أعمال جوري بكر الفنية

وكانت آخر أعمال جوري بكر الفنية مسلسل "برغم القانون" الذي عرض خلال الفترة الماضية وحقق نجاحاً كبيراً، وشارك في بطولته كل من إيمان العاصي، هاني عادل، محمد القس، وليد فواز، عابد عنان، رحاب الجمل، فرح يوسف، عايدة رياض، محمد محمود عبد العزيز، جيسيكا حسام الدين، ونبيل علي ماهر، ومن تأليف نجلاء الحديني وإخراج شادي عبد السلام.