أعلن أحمد سليمان عضو مجلس إدارة نادي الزمالك، عن رغبة بعض لاعبي الأهلي في الانتقال إلى القلعة البيضاء وقال خلال لقائه في برنامج “اللعيب”: “أقسم بالله فيه لاعيبة من الأهلي في التشكيل الأساسي بكرة عايزين يقعدوا معايا عشان يجوا الزمالك”.
ورد عليه سيد عبدالحفيظ مدير الكرة الأسبق بنادي الزمالك: “اللعيب ده ذكي وعنده دراية بالأحداث، كابتن احمد سليمان من شوية قال إن الزمالك يعاني من الاستقرار المالي والإداري والفني، فطبيعي جدا أنا كلاعب لو هفكر انتقل لنادي لازم يكون فيها استقرار مالي وإداري عشان اضمن فلوسي.
وتابع عبد الحفيظ: الأهلي لما يخش في منافسة تعاقدية مع كابتن أحمد أو الزمالك مش هبقى قلقان أوي ، وده مش غرور لكنه توابع استقرار كبير جدا، لو لاعب هيقعد مع كابتن أحمد اللاعب ده مش ضامن أصلا كابتن أحمد يبقى موجود ولا لأ، هو في أول الموسم كان مشرف على فرقة الكورة النهاردة مبقاش موجود وممكن بعد سنة ميبقاش المجلس كله موجود”.
تنطلق مباراة القمة بين الأهلي والزمالك في السابعة مساء اليوم السبت باستاد القاهرة، فى الأسبوع الخامس عشر من بطولة الدورى.
تنقل قناة أون تايم سبورتس مباراة الزمالك والأهلى فى الدوري المصري.
يدخل الأهلى المباراة في وصافة جدول ترتيب الدورى، برصيد 32 نقطة، بعدما خاض 14 مباراة، حقق الفوز في 9 مباريات، والتعادل في 5 مباريات، وفي المقابل يخوض الزمالك المباراة محتلا المركز الثالث برصيد 27 نقطة، بعدما حقق الفوز في 8 مباريات، وتعادل في 3 مواجهات، وخسر مثلها.
المصدر : صدي البلد